भोजपुरी लोकप्रिय गायिका इन्दु सोनालीको सुमधुर स्वरमा भोजपुरी गीत ‘हमनिके भागिया’को म्युजिक भिडियो सार्वजनिक भएको छ । दर्जनौँ चर्चित भोजपुरी गीतहरूमा आफ्नो जादुमय आवाज भर्न सफल गायिका इन्दु सोनाली बलिउडमा समेत प्रख्यात छिन् । उपेन्द्र सहानीको शब्दमा सुप्रसिद्ध सङ्गीतकार शिखर सन्तोषको सङ्गीत रहेको भोजपुरी गीत ‘हमनिके भागिया’को म्युजिक भिडियोलाई आलोक शुक्लाले छायाङ्कन गरेका हुन् भने निर्देशक पुर्णेन्द्रु झाले निर्देशन गरेका छन् । सार्वजनिक भिडियोमा लोकप्रिय नायिका केकी अधिकारी र विजय यादव निर्विजको सशक्त अभिनय रहेको छ भने म्युजिक भिडियोको परिकल्पनाकार तथा निर्माता प्रभु शाह रहेका छन् । सुप्रसिद्ध सङ्गीतकार शिखर सन्तोषले चर्चित भोजपुरी चलचित्र, दर्जनौँ भोजपुरी गीत तथा बलिउडका चर्चित गायक–गायिकाहरूको लागि सङ्गीत भरिसकेका छन् ।