काठमाडौं । आधुनिक विज्ञानलाई चुनौती दिँदै विश्व आतंक मच्चाइरहेको कोरोनाले झण्डै ८ लाख मानिसको ज्यान लिइसकेको छ । कोरोनाविरुद्धको भ्याक्सिन निर्माणको क्रममा भए पनि कुनै पनि भ्याक्सिन सफल नभइसकेको अवस्थामा विश्वभर कोरोना संक्रमणबाट मृत्यु हुनेको संख्या करिब आठ लाख पुगेको हो । जोन्स हप्किन्स विश्वविद्यालयका अनुसार शनिबार विहानसम्म विश्वभर कोरोनाबाट मृत्यु हुनेको संख्या सात लाख ९७ हजार सात सय ८७ पुगेको छ । यसैगरी विश्वभर विश्वभर कोरोनाबाट संक्रमित हुनेको संख्या दुई करोड २८ लाख ६४ हजार ८ सय ७३ पुगेको छ । कोरोना संक्रमणको महामारीबाट सबैभन्दा धेरै प्रभावित अमेरिकामा संक्रमितको संख्या ५६ लाख २१ हजारभन्दा धेरै छ । मृतकको संख्या १ लाख ७५ हजार ४ सय ४३ छ ।