काठमाडौं। लाचार बनेर डा. गोविन्द केसीको अनसन पचाउन तयार भएको सरकारलाई सबै स्वास्थ्यकर्मीले कडा चेतावनी दिएपछि बाध्य भएर फेरि एक पटक झुक्याउने तयारी भइरहेको छ ।

अनशनरत डाक्टर गोविन्द केसीका प्रतिनिधि र सरकारी प्रतिनिधिबीच हिजो राति अवेरमा तयार पारिएको सहमतिको मस्यौदा प्रधानमन्त्री केपी शर्मा ओलीकहाँ पुगेको छ । वार्तामा सहभागी नेपाल चिकित्सक संघका अध्यक्ष डा। लोचन कार्कीले दिएको जानकारीअनुसार दुवै तर्फका प्रतिनिधिबीच हिजो अवेर राति भएको सहमतिको मस्यौदा प्रधानमन्त्री ओलीसमक्ष पुर्याईएको छ । स्रोतका अनुसार प्रधानमन्त्री ओलीले मस्यौदाको अध्ययन गरेपछि सरकारी वार्ता टोलीमा उक्त मस्यौदा फिर्ता आउने र सरकारी वार्ता टोलीले नै आज वार्तामा बस्ने वा नबस्ने भन्नेबारे तय हुनेछ ।

विभिन्न ६ बुँदे माग राखि डाक्टर केसी २६ दिनदेखि अनशनमा छन् । अहिलेसम्म सरकारको तर्फबाट शिक्षा सचिव गोपी मैनालीबाहेक कोही पनि केसीलाई भेट्न गएका छैनन् ।