काठमाडौं । भूगोल इनर्जि डेभलपमेन्ट कम्पनीको साधारण सेयर आईपीओमा आवेदन दिने अन्तिम दिन हो ।
आवेदनकर्ताले आज कार्यालय समयसम्म मात्रै आवेदन दिन पाउने कम्पनीले जानकारी दिएको छ ।
कम्पनीले फागुन ८ गतेदेखि आयोजना प्रभावित स्थानीय बासिन्दाका लागि सेयर निष्कासन गरेको थियो । यसअघि नै वैदेशिक रोजगारीमा रहेका नेपालीका लागि पनि आईपीओ निष्कासन गरिसकेको छ ।
कम्पनीले स्थानीयलाई ५ लाख ४४ हजार ५३ कित्ता सेयर निष्कासन गरेको छ । जसमा आयोजना अति प्रभावित दैलेख जिल्लाको नौमुले द्वारी–३ का स्थानीयलाई २ लाख ७२ हजार २६ कित्ता र जिल्लाका अन्य स्थानीयलाई २ लाख ७२ हजार २७ कित्ता सेयर निष्कासन गरेको छ । स्थानीयले न्यूनतम १० देखि अधिकतम ३० हजार कित्तासम्म आवेदन दिन सक्नेछन् ।
आईपीओमा एनआईसी एशिया, ग्लोबल आइएमई र प्रभु बैंकका स्थानीय शाखाबाट आवेदन दिन सक्नेछन् । यसको बिक्री प्रबन्धक एनआईसी एशिया क्यापिटल रहेको छ ।