काठमाडौं। नेपाली कांग्रेस संस्थापनइतरका नेता डा. शेखर कोइरालाले मंगलबारका लागि बैठक डाकेका छन्। राष्ट्रिय सभा निर्वाचन, आसन्न महासमिति बैठकलगायत विषयमा छलफल गर्न कोइरालाले आफू निकट सदस्यहरुलाई बैठकमा निम्ता दिएका छन्।

राष्ट्रिय सभाको निर्वाचनमा आफ्नो टिम कसरी जाने भन्ने विषयमा छलफल गर्नका लागि नै बैठक बोलाउनुभएको हो, केन्द्रीय सदस्य मधु आचार्यले भने। राष्ट्रिय सभाको १९ सिटका लागि माघ ११ गते निर्वाचन हुँदैन। सत्ता गठबन्धनमा रहेको कांग्रेस तालमेल गरी निर्वाचनमा जाँदैछ। गठबन्धनको सिट बाँडबाँटमा कांग्रेसले ९ सिट पाउने बताइएको छ।

यसका लागि आफ्नो पक्षबाट कसलाई उम्मेदवार बनाउने भन्ने विषयमा कोइरालाले छलफल गर्ने उनी निकट नेताहरुले बताएका छन्। बैठक बत्तीसपुतलीस्थित अनुपम फुडल्यान्डमा दिउँसो १ बजेका लागि तय गरिएको छ।