स्कुलेजीवनदेखि नै आफु भित्रको प्रतिभालाई आमदर्शक माझ प्रस्तुत गर्दै आइरहेकी अहिलेको चर्चित मोडल साक्षी लम्साल आफ्नो अभिनय कला मार्फत आज आमदर्शकको मन मुटुमा बस्न सफल भएकी छन् । देश तथा विदेशमा हुने विभिन्न स्टेज कार्यक्रमहरूमा उपस्थिति जनाउँदै आईरहेकी लम्साल हाल ललितपुर भैसेपाटी निवासी हुन् । झण्डै दुई दर्जनको हाराहारीमा म्युजिक भिडियोमा मोडलिङ गरिसकेकी लम्सालले कलाकारितामा गरेको योगदानको कदर गर्दै विभिन्न संघसंस्थाले सम्मान गरेको छ । ०७३ बाट मोडलिङसंगै कलाकारिताको क्षेत्रमा प्रवेश गरेकी साक्षी राम्रो पारिश्रमिक लिने कलाकारमा पर्दछिन् । लम्सालले म्य्ुजिक भिडियोका साथै केही नाटक र चलचित्रमा समेत अभिनय गरेका छन् भने जनता टेलिभिजन र कान्तिपुर टेलिभिजनमा भिजेका रुपमा समेत काम गरिसकेकी छन् । ‘सातुको कथा’ प्रदर्शनको लागि उनि थाइल्याण्ड पुगेकी थिइन् । मोडलिङ कलामा सम्भावना बोकेकी हालकी ब्यस्त मोडल साक्षी लम्सालसँग ताजाखबर साप्ताहिकको लागि गरेको कुराकानीः

० कलाकारिता कहिलेबाट सुरु गर्नु भो ?
स्थानीय स्तरमा हुने बिभिन्न साँस्कृतिक कार्यक्रमहरूमा भाग लिने गर्थे र मेरो प्रस्तुति हेर्नेहरूले राम्रो छ भन्नु हुन्थ्यो जसबाट अझ केही गरु भन्ने उर्जा मिल्थ्यो । यसै क्षेत्रमा निरन्तर काम गर्न थालेको चाही ०७३ बाट हो ।

० छोटै समयमा यो उचाही हासिल गर्नुको रहस्य ?
कुनै पनि क्षेत्रमा सफलता पाउनको लागि काम प्रतिको लगनशिलता र इच्छाशक्ति हुनु जरुरी हुन्छ । मेरो मिहेनतले गर्दा नै यो सफलता मिलेको हो । सुरुवाती समयमा आफ्नो परिवार बाहेक सहयोग गर्ने कोही थिएन तर पनि आज मोडलिङको क्षेत्रमा जुन स्थान बनेको छ खुशि लाग्छ ।

० कलाकारिता बाहेक के गर्नु हुन्छ ?
कलाकारिता र अध्यायन सँगसँगै अगाडि बढाउदै आएकी छु । गायन पनि मेरो रुचिको विद्या हो । अरु अहिले केही सोचेको छैन ।

० टिभि एडमा पनि देखिनु हुन्छ कुन कुनमा मोडलिङ गर्नु भो ?
डिसहोमको बिज्ञापनबाट मोडलिङ सुरु गरेकी हु । त्यसपछि एनसेल, गोल्डस्टार, अमृत तेल लगायत झण्डै दुई दर्जन जति महत्वपुर्ण ब्राण्डको बिज्ञापनमा मोडलिङ गरिसकेको छु ।

० म्युजिक भिडियो नि ?
म्युजिक भिडियो चाही अभिनेता पल शाहसंग ‘सारा खुसी’ गीतको हो । अमित विष्ट र श्रेया सोताङको स्वर रहेको गीतको भिडियो जीवन थापाले निर्देशन गर्नु भएको थियो । जुन भिडियोको सफताले मलाई एक पछि अर्को काम दिलाउन मद्दत गर्योे ।

० चलचित्र नि ?
‘स्वर्ग मेरो गाउँ’ मा अभिनय गरेको छु । रामकृष्ण बजगाइले निर्देशन गर्नु भएको थियो ।

० मोडलिङ क्षेत्रको भविष्य कस्तो देख्नु हुन्छ ?
यसमा भविष्य नदेखेको भए यतिका धेरै मोडल, कलाकार यो क्षेत्रमा आउनु हुन्न थियो होला । यो क्षेत्रमा नाम, दाम र प्रतिष्ठा छ । आफ्नो अभिनय कला मार्फत सबैको मन जित्दै प्रतिस्पर्धाको यो भिडमा टिकिरहन सक्नु पर्छ । सफलता आफै मिल्दै जान्छ ।

० कस्तो खालको बिषय वस्तुमा काम गर्न मन पर्छ ?
दर्शक रुचिको र मलाई सुहाउँदो भुमिका भए राम्रो । अर्को कुरा संख्या भन्दा पनि गुणात्मकतामा ध्यान दिने भएकोले थोरैमा काम गर्ने स्तरीय भिडियोमा काम गर्नु पर्छ भन्ने मेरो मान्यता छ ।

० अन्त्यमा ?
कोरोना कहरका कारण बीचमा कला क्षेत्र नराम्ररी प्रभावित बन्यो । चलचित्र खासै बन्न नसकेपनि म्युजिक भिडियो भने बनिरहेकै थियो । अब भने विस्तारै वातावरण सहज बन्दैछ । यो क्षेत्रलाई चलायमान बनाउन सबैको साथ र सहयोगको आवश्यक छ । मेरो काम मन पराईदिनु हुने सम्पुर्ण दर्शक, शुभचिन्तकमा आभार ब्यक्त गर्न चाहन्छु र मलाई सम्झेर यो स्थान दिनु भएकोमा ताजाखबर साप्ताहिक टिम प्रति आभारी छु ।