काठमाडौं । सिटिजन्स बैंकले ऋणपत्र निष्कासन गरेको छ ।
बैंकले आजदेखि प्रति इकाई एक हजार रुपैयाँका दरले ३ अर्ब रुपैयाँको ३० लाख इकाई ऋणपत्र निष्कासन गरेको छ । जसमा १८ लाख इकाई बैंकले विभिन्न संघ संस्थालाई बिक्री गर्ने छ । बाँकी १२ लाख इकाईमा सर्वसाधारणले आवेदन दिन सक्नेछन् ।
ऋणपत्रमा ६० हजार इकाई सामूहिक लगानी कोषलाई छुट्याएको छ । ‘१० सिटिजन्स डिबेन्चर २०९०’ नामक १० वर्ष अवधिको ऋणपत्रमा वार्षिक १० प्रतिशत ब्याजदर पाइने छ ।
ऋणपत्रमा असोज २१ गतेसम्म आवेदन दिन सकिने छ । ऋणपत्रमा न्यूनतम २५ देखि अधिकतम सम्पूर्ण कित्तामा आवेदन दिन सकिने छ । ऋणपत्रमा सी–आस्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सकिने छ । यसको बिक्री प्रबन्धकमा हिमालयन क्यापिटल रहेको छ ।