काठमाडौं । उपचुनाव भएको बारा २ बाट जसपा अध्यक्ष उपेन्द्र यादवले चुनाव जितेपछि जनमत पार्टीका अध्यक्ष सीके राउतले बधाई दिएका छन् ।
सामाजिक सञ्जालबाट राउतले आफ्नो पार्टीले जनताको अगाध माया पाएको भन्दै जनमतका उम्मेदवलाई मतदान गर्नेलाई धन्यवाद दिएका छन् । निर्वाचन हो, ३४ जना उम्मेदवारमध्ये एउटाले न जित्ने हो । अन्य पार्टीहरूले पनि लोकतन्त्रप्रति आफ्नो जिम्मेवारी सहृदयताका साथ वहन गरेको छ, राउतले लेखेका छन् । यहाँ ५०८१ मतान्तरले यादवले जनमतका शिवचन्द्र कुशवाहामाथि जित हात पारेका छन् । मधेसमा आफ्नो वर्चश्व कायमै राख्ने उपेन्द्रको दाउ र त्यसमाथि हाबी भइरहेका राउतबीच एकअर्कामा बेलाबेलामा घोचपेच चल्ने गरेको छ ।