काठमाडौं। सुनको मूल्य फेरि घटेको छ। अघिल्लो दिनको भन्दा तोलामा ५ सय रुपैयाँले घटेको हो। नेपाल सुनचाँदी व्यवसायी महासंघको अनुसार बिहीबार सुन प्रतितोला एक लाख एक हजार रुपैयाँ निर्धारण भएको छ।
बुधबार तोलामा एक हजार रुपैयाँले घटेर प्रति तोला एक लाख एक हजार ५ सय रुपैयाँमा कारोबार भएको थियो । चाँदीको मूल्य बिहीबार तोलामा ५ रुपैयाँले घट्दै प्रतितोला एक हजार २ सय २० रुपैयाँ कायम भएको छ।
बुधबार चाँदी प्रतितोला ४० रुपैयाँले घट्दै प्रतितोला १ हजार २ सय २५ रुपैयाँ थियो।
अन्तर्राष्ट्रिय बजारमा बिहीबार सुन प्रतिऔंस १८१५।४६ डलरमा कारोबार भइरहेको छ।