काठमाडौं। सुनचाँदीको मूल्य बढेको छ । सुन प्रतितोला १ लाख ९ हजार २००, चाँदी १४ सय पुगेको हो ।
सुनको मूल्य फेरि साताको पहिलो दिनमै फर्केर आइपुगेको छ। बिहीबारका तुलनामा १ हजारको बढोत्तरीसँगै शुक्रबारको कारोबार मूल्य प्रतितोला १ लाख ९ हजार २ सय भएको छ।
नेपाल सुनचाँदी व्यवसायी महासंघका अनुसार गत आइतबार पनि यही मूल्य कायम भएको थियो। सोमबार २ सय घटेको थियो भने मंगलबार एक हजार घटेर मूल्य कायम भएको थियो। यो साता मंगलबार कायम तोलाको १ लाख ८ हजार सबैभन्दा न्यूनतम मूल्य थियो।
चाँदी शुक्रबार प्रतितोला १ हजार ४ सय रुपैयाँ पुगेको छ। बिहीबारका तुलनामा २५ रुपैयाँको बढेको हो भने आइतबारका तुलनामा ३० रुपैयाँ बढेको हो।
अन्तर्राष्ट्रिय बजारमा शुक्रबार सुन प्रतिऔंस १९७९.६३ डलरले कारोबार भइरहेको छ भने चाँदी २३.८७ डलर पुगेको छ।