लाहान । सिरहाको लहानस्थित मालपोत कार्यालयमा बम विष्फोट भएको छ । मालपोत कार्यालयको दोस्रो तलामा अज्ञात समुहले बम विष्फोट गराएको प्रदेश–२ प्रहरी कार्यालयका डिआईजी धिरज प्रताप सिंहले रातोपाटीलाई बताए । विष्फोटमा परेर नायव सुब्बा शिव कुमार यादव गम्भिर घाइते भएका छन् । अरुदुईजना सामान्य घाइते छन् । घाइतेको लाहान अस्पतालमा उपचार भइरहेको छ । विष्फोट गराउनेहरुको खोजी भइरहेको डिआईजी धिरज सिंहले बताएका छन् । प्रहरीको प्रारम्भिक अनुसन्धानबाट प्रेशर कुकर बम विष्फोट गराएको थाहा भएको छ । मालपोत कार्यलायका कर्मचारी र लेखन्दासले जनतालाई दुख दिने क्रम घटेको छैन । जग्गा धनीको उपस्थीति बिना जग्गा बेचेर खाइदिने दलालहरुबाट पिडित आम नागरिकको हितमा सरकार कठोर नहुदासम्म यस्ता घटना नहोला भन्न सकिदैन ।