नायिका रेखा थापाको निर्माण गरेको फिल्म ‘उपहार’को प्रदर्शन मिति तय गरिएको छ । यो फिल्मलाई यसै वर्षको माघ २६ मा रिलिज गर्ने घोषणा गरिएको छ । यस अघि यो फिल्मलाई नयाँ वर्षमा रिलिज गर्ने तयारी गरिएको थियो । तर रामबाबु गुरुङ निर्देशित फिल्म ‘डिग्री माइलाः एम ए थर्ड क्लास’ रिलिज गर्ने भएपछि उपहारको प्रदर्शन मिति अघि सारिएको हो । अब यो फिल्म ‘हात्तीछाप’सँग भिड्ने भएको छ । किरण नेपालीको प्रस्तुतिमा तयार भएको फिल्म हात्तीछापले यस अघि नै पोस्टर जारी गरेर माघ २६ लाई प्रदर्शन मिति तय गरि सकेको थियो । ज्ञानेन्द्र देउजाको निर्देशनमा तयार भइरहेको ‘उपहार’ले ३ महिला पात्रको कथालाई प्रस्तुत गरेको छ । फिल्ममा रेखा थापा, पूजा शर्मा र बेनिशा हमाल मुख्य भूमिकामा छन् । साथमा, फिल्ममा मुकुन भुषाल, तेज गिरी र समर्पण थापाको मुख्य भूमिका छ । यो फिल्मलाई रिच इन्टरटेन्मेन्ट र एफडी ग्रुपले काठमाडौँ भित्र र मोफसलमा वितरण गर्नेछन् ।