सर्जक ज्योती प्रकाशको शब्द तथा संगीत रहेको नयाँ गीत सार्वजनिक भएको छ । सार्वजनिक ‘सलाम छ’ बोलको गीतमा जीना रसाइली र राज सागरको स्वर सुन्न सकिन्छ । यस गीतमार्फत् गीतकार ज्योतीले कोरोनामो महामारीमा पनि रात दिन सेवामा खटिएका स्वस्थ्यकर्मी, सुरक्षाकर्मी तथा संचारकर्मीलाई सलाम गरेका छन् । कोरोनाले आतंकित बनाइरहेको जनजीवनमा भगवानको रुप देखाउनेहरुलाई सलाम गर्दै गीत सिर्जना गरेको उनले बताएका छन् । सार्वजनिक भिडियोमा सेवामा खटिएका स्वस्थ्यकर्मी, सुरक्षाकर्मी तथा संचारकर्मीहरुलाई देखाइएको छ । उनीहरु प्रति सम्मान भाव देखाइएको छ । गीतकार ज्योती आफैँले खिचेको यस भिडियोलाई दीलिप तामाङ ‘गारव’ले सम्पादन गरेका हुन् ।