नायिका स्वस्तिमा खड्काले बोलेका कुराहरू विवादित बन्न थालेका छन् । स्वस्तिमाले शुक्रबार आयोजना भएको चलचित्र ‘हजार जुनी सम्म’को कार्यक्रममा २० लाख लिने कलाकारले ५० लाख उठाउन सक्नुपर्ने, नत्र निर्माताले ५ लाख पनि नपाउँदा मज्जा नआउने भन्दै बयान दिएपछि उनी विवादमा फसेकी छिन् । धेरैले, उनको यो भनाई नायिका पूजा शर्मा लक्षित थियो भनेर वुझेपनि उनले भने यो कुरालाई अस्विकार गर्दै आएकी छिन् । स्वस्तिमाप्रति पूजाका फ्यानको आक्रोश अझै कम भएको छैन । हुनत, चलचित्र क्षेत्रमा कलाकारले दिने अभिव्यक्ति विवादमा आउनु नयाँ कुरा होइन । तर, स्वस्तिमाका केही अन्र्तवार्तामा उनले दिएका भनाइलाई लिएर चलचित्र क्षेत्रका केही नाम चलेकै नायिकाहरू पनि उनीसँग असन्तुष्ट रहेको वुझिएको छ । स्वस्तिमा कडा त बोल्छिन्, तर उनको बोली उनका लागि पछि भारी पर्ने गरेको छ ।