काठमाडौं– नेपाली नर्सहरुका लागि कुवेतमा रोजगारीको अवसर खुलेको छ। तीन सय जना नेपाली नर्सका लागि कुवेतमा रोजगारीको अवसर खुलेको हो।कुवेतको सिटी ग्रुप कम्पनीले बिएस्सी र पिसिएल नर्सका लागि रोजगारीको अवसर खुलाएको हो। सो कम्पनीले २६० जना महिला र ४० जना पुरुष नर्सका लागि रोजगारीको अवसर खुलाएको हो। बिएस्सी गरेका पुरुष २० र महिला १३० जना र पिसिएल तर्फ पुरुष २० र महिला १३० जनाका लागि रोजगार खुलाएको हो। आवेदन दिने नेपालीले बिएस्सी अध्ययन गरेकाले २ वर्षको अस्पतालमा काम गरेको र पिसिएल तर्फ ३ वर्ष अस्पतालमा काम गरेको अनुभव हुनुपर्ने उल्लेख गरिएको छ। दैनिक ८ घण्टाका दरले हप्तामा ६ दिन काम गर्नुपर्ने, ३५ वर्षभन्दा कम उमेरको हुनुपर्ने सूचनामा जनाइएको छ। बिएस्सी गरेका नर्सको तलब ३५० कुवेती दिनार अर्थात नेपाली १ लाख ५० हजार र पिसिएल गरेका नर्सको तलब २८० दिनार अर्थात एकलाख २० हजार नेपाली रुपैयाँ हुने छ। यसका साथै उनीहरुलाई खानाको सुविधा पनि कम्पनीले नै दिने सूचनामा उल्लेख छ।