काठमाडौं । कोरोना महामारी बढेपछि प्रहरीले मास्क नलगाई हिँड्नेलाई कडाइ गरिएको हो । आज बिहान बिना मास्क हिँड्नेलाई प्रहरीले दुईघण्टा कलंकी चोकको होल्डिङ सेन्टरमा राखिएको हो ।महानगरीय ट्राफिक प्रहरी प्रभाग कलंकी र प्रहरी प्रभागले संयुक्त रुपमा विभिन्न क्षेत्रमा मास्क खोई अभियान शुरु गरेका छन् । सो अभियान अन्तर्गत उपत्यका बाहिरिने र प्रवेश गर्ने सवारीका यात्रुलाई मास्क लगाउन आग्रह गरिएको छ । बिना मास्क सडकमा निस्कनेलाई दुईघण्टा होल्डिङ सेन्टरमा राखेर मास्क प्रयोगबारे सचेत गराइएको महानगरीय प्रहरी प्रभाग कलंकीले जानकारी दिएको छ ।