काठमाडौं । राष्ट्रपति विद्यादेवी भण्डारीले विश्व वातावरण दिवसका अवसरमा बृक्षारोपण गर्नुभएको छ । राष्ट्रपति भवन शितल निवासमा राष्ट्रपति भण्डारीले समी प्रजातिको बिरुवा रोपेर बृक्षारोपणको शुभारम्भ गर्नुभएको हो । वातावरण दिवसको अवसरमा आयोजित वृक्षारोपण कार्यक्रममा समी, पारिजात, हर्रो, हलुवावेद, टिमुर लगायत ७५ प्रजातिका बिरुवा रोपिएको राष्ट्रपतिका स्वकिय सचिव डा। भेषराज अधिकारीले ताजानेपाललाइ बताउनुभयो । राष्ट्रपति भण्डारीले हरेक वर्ष विश्व वातावरण दिवसको अवसरमा विभिन्न प्रजातिका विरुवा रोप्दै आउनुभएको छ ।