काठमाडौँ, केन्द्रीय अनुसन्धान ब्यूरोको टोलीले कृषि फार्म सञ्चालनका लागि सरकारबाट सहुलियत अनुदान मिलाइदिने भन्दै रु। पाँच करोड ८० लाख ठगी गर्ने दुई जना पक्राउ परेका छन् ।

ललितपुर महानगरपालिका–१४ नखिपोटका ६० वर्षीय नारायण खनाल र काठमाडौँ महानगरपालिका–१४ ताहाचलका ५२ वर्षीय श्रीकृष्ण महर्जनलाई ब्यूरोले पक्राउ गरेको हो ।

सिआइबीको टोलीले जालिम सिंह महतोको जाहेरीका आधारमा उनीहरुलाई पक्राउ गरेको हो । ब्यूरोका प्रहरी उपरीषक योगेन्द्रकुमार खड्काले विभिन्न मन्त्रालयका कर्मचारीसँग राम्रो चिनजान भएको भन्दै उनीहरुले कृषि फार्मका लागि सहुलियत अनुदान मिलाइदिने भन्दै पटक–पटक गरी उक्त रकम ठगी गरेको जानकारी दिए ।