काठमाडौं । एकाएक सत्तागठबन्धनको प्रमुख घटक बन्न पुगेको नेकपा एमालेले सचिवालय बैठक बोलाएको छ । बैठकमा पछिल्लो राजनीतिक घटनाक्रमको समीक्षा साथै सरकारमा अबको कामकारबाहीको कार्ययोजना मुख्य एजेण्डा रहेको बताइएको छ । बिहान ९ बजे बैठक डाकिएको उपमहासचिव प्रदीप ज्ञवालीले नेपाल प्रेसलाई बताए । उनका अनुसार पछिल्लो गठबन्धन, सरकारमा सहभागितासहितका विभिन्न जिम्मेवारी तथा यसअघि केन्द्रीय कमिटी बैठकमा प्रवेश भएका विषयमा छलफल हुनेछ ।